(按play播放講古的聲音檔)
換第四棒打擊,伊名叫「臭屁」,皮肉烏、漢草勇、力頭真飽註皮膚黑、體格壯、力氣真大。。投手掔註掔(khian),棒球的基本動作:投。球,臭屁摃註摃(kòng),棒球的基本動作:打。出去,球飛甲遠遠遠,顧外野的挩窗倒退後、倒退後,球欲落塗彼時,毋但無承註承(sîn),棒球的基本動作:接。著,閣摔一个吭跤翹註吭跤翹(khōng-kha-khiàu):摔得四腳朝天。。
球輾註輾(liàn):滾動。去後壁面,挩窗兇兇狂狂註兇兇狂狂(hiong -hiong-kông -kông):匆匆忙忙的。去抾註抾(khioh):撿起。,欲傳註傳(thuân):傳出。本壘──無疑悟,踅身踅毋著爿,煞掔去牆圍外口。仝隊的氣一下大聲罵:「你是楞註挩窗暈頭轉向,球亂傳好似傳到外太空去。去喔!掔去外太空!」
挩窗隨拋註拋(pha):翻越牆仔過,看著眼前的情景,叫一聲:「害啊!這聲歹揣啊!」
牆圍外口,是茂茂的竹模註聚生在一起的竹叢,台語叫竹模(tik-bôo),或竹抱(phō)。,竹葉和竹箬註竹箬(tik-ha̍h),就是竹籜,是包裹於竹子外部會脫落的硬葉。落甲規塗跤,一時間揣註揣(tshuē):尋找無球。
掠無頭摠註抓不到頭緒,台語要說掠無頭摠(lia̍h-bô-thâu-tsáng)。的挩窗,心肝頭齷齪註齷齪(ak-tsak),球沒接到,誤傳去圍牆外,球隱沒於竹葉中找不到,當然會感到鬱悶煩躁。,就共衫仔領弄弄予涼,香火拈出來,就靈通矣!
伊聽著塗跤的葉仔「窸窸窣窣」的聲,跤手猛掠註猛掠(mé-lia̍h):手腳俐落迅速。的伊,做一改共杜定註蜥蜴:台語叫杜定(tōo-tīng),又叫四跤蛇(sì-kha-tsuâ)。掠起來!
杜定直直躘註躘(liòng):亂踢掙扎。、直直翸註翸(phún):扭動,就是甪註甪(lut):想掙脫啦! 袂開,斡頭看著人,目睭褫註褫(thí):將眼睛睜開 大,挩窗嘛擘註擘(peh):將眼睛睜開 甲大大蕊,相對看。
「杜定兄,我毋是欲共你按怎,是欲問你球佇佗位?」挩窗問。
「你掠註掠(lia̍h),捕捉,找出問題所在。我會著,怎會揣無球?」杜定兄應。
「你振動會出聲,我才掠有;球無振動就無聲,實在僫註僫(oh),困難、不容易。揣。」
「我振動,你無振動,就掠有;球恬恬,你更加愛恬恬恬註恬恬(tiām-tiām):安靜、沈著。。」
杜定兄講了著,挩窗心頭掠予定,看著竹筍的邊仔一粒白白,就共球抾起來。
「球揣著矣,敢會當放我煞註煞(suah)的意思很多,這兒指罷手,放蜥蜴自由。!」杜定兄講。
「我實在無想欲轉去。」挩窗講。
「就入球埕矣閣覕註覕(bih):躲藏。?」
「唉!心事若無講出來,連杜定攏毋知。我本底摃甲真好,徛第四棒。有一改,打擊的時陣去予球搩註搩(kiat):被砸中。著跤頭趺註跤頭趺(kha-thâu-u):膝蓋。,腫幾若工。自彼時開始,看著球對我遮來,就會驚惶註驚惶(kiann-hiânn):驚恐、害怕。,摃的時陣膽膽註膽膽(tám-tám):怕怕的、膽怯。,會閃袂曉摃。煞趨落去第七棒,本底顧一壘去予放來外野,強欲予球隊踢掉啊!」
「唉唷,去予球搩著有啥貨!阮杜定若拄著剋星,尾予掠著就在伊斷,姓命要緊。斷尾疼罔疼,橫直閣會生轉倒來,無啥啦!」
「毋閣⋯⋯我猶原會驚!」
「親像你掠我會著仝款,球是振動的,你是恬靜的,心肝頭著掠予定。等一下換你摃,就共看予真、相予明,球按投手的手頭掔出來,目睭綴牢牢,你就共球棒搦註搦(la̍k)是捉緊球棒咧,順球的走勢,瞪力共撼出去!你愛有勇氣、愛有信心!」
「多謝杜定兄,我隨轉去!」挩窗寬寬仔註寬寬仔(khuann-khuann-á):慢慢的。共杜定放落塗跤,拋轉去牆圍內。
換挩窗敧踮打擊區,投手臭屁真臭煬註臭煬(tshàu-iāng):神氣、臭屁。,看這个第九棒無,手骨攑懸就共球搩出去。
這是一粒快速球,挩窗看斟酌註看斟酌(khuànn tsim-tsiok):看仔細。,順順共撼出去。
球懸懸懸、遠遠遠,飛出去圍牆外口:全壘打!
圍牆上頂面,有一个物件,跤長、尾嘛牽甲長長長,目睭褫甲圓圓圓。
挩窗微微仔笑,共杜定看斟酌。
作者簡介:鄭順聰
日頭赤焱焱,挩窗和同學野球比賽,佇學校的運動埕捙拚註雙方人馬拚鬥、較勁,就是捙拚(tshia-piànn)。。
(漢字與拼音依教育部台灣閩南語辭典)