[講古] 鄭順聰 : 揹月光的貓

[講古] 鄭順聰 : 揹月光的貓
首頁 / 時行 (刊物) / [講古] 鄭順聰 : 揹月光的貓
Apr.10.2017 3001

[講古] 鄭順聰 : 揹月光的貓

  鄭順聰 , 挩窗去弄險 , 講古 , 台語

聲音：鄭順聰 

文字：鄭順聰

 

（按play播放講古的聲音檔）

 

系列故事背景：

鄭明窗小朋友住在嘉南平原的「阿無庄」，從小由阿媽獨力扶養，在紅磚與稻浪之間嬉戲優遊。由於姓名有個「窗」字，同村長輩暱稱：挩窗的（thuah-thang--ê）。但他眼珠子非但沒有偏斜，而是視力一流，可看到大人看不到的神明、鬼怪與人心幽微。「挩窗去弄險」是鄭順聰一系列台語冒險故事，以挩窗為主角，帶領讀者打開心內的門窗，去看看這個豐饒的世界，找回人該有的勇敢、智慧、善良。

 
挩窗做毋著代誌，去予阿媽修理，共家己關踮房間，軁入去棉襀被，目屎㴙㴙滴註目屎（ba̍k-sái）是眼淚，㴙㴙滴（tsha̍p-tsha̍p-tih）是滴滴答答的聲音。。

 

 
暗頭仔註天剛黑、傍晚時分，要說暗頭仔（àm-thâu-á）。大雨落煞，留賰的雨水按厝瓦滴落塗跤：沓滴，沓滴，沓沓滴滴⋯⋯月娘對烏雲躘註躘（liòng），就是躍起，或用腳踢開棉被，也可以如此段所述，月亮從烏雲中「掙脫」出來！出來，去予田洋包圍的阿無庄，有光嘛有影。
 
挩窗傷心轉受氣，雄雄共被躘開，講：「等遐爾久，阿媽猶未來共我惜惜，這改心肝真正是掠坦橫啊註把心一橫，阿媽這次是鐵了心！心肝掠坦橫（sim-kuann lia̍h-thán-huâinn/huînn）！」
 
被內底翕傷久，挩窗感覺刺疫註悶熱煩躁，感到不舒服，就說刺疫（tshiah-ia̍h）。，共頷領弄弄予涼，香火拈出來，就和靈聖的彼頭感應矣。
挩窗目睭金金註瞪大眼睛，目不轉睛的看，就是金金看（kim-kim-khuànn）。，看著月光穿過窗仔門，佇伊面頭前振動，袂輸貓仔的尾溜。
伊用手去磕註磕（kha̍p）是碰一下。，軟軟幼幼，浞浞註浞（tshio̍k）稍稍搓揉。咧了後，大膽共捏註捏（tēnn/tīnn）就用力抓了下去。落去！
啊！啊！啊！啊娘喂！
 
月光共挩窗搝出去，軁過窗仔門，順紅磚堵壁，坐踮烏厝瓦。
「頭拄仔一直共你叫，你敢無聽著？」 
「啥物！你是啥物碗糕，閣會曉講話？」挩窗看著兩粒光光的球。
 
「我共你叫，你攏無聽著？臭耳聾註耳朵聽不到是說臭耳聾（tshàu-hīnn-lâng）。喔！彼咧沓滴、沓滴、沓沓滴滴的聲就是！莫怪會去予阿媽修理！」光球按烏暗面來到月光下跤，是一隻貓仔，尻脊骿註台語的「背部」，得三個音連續唸，尻脊骿（kha-tsiah-phiann）。揹月光，金溜溜。   
 
「你怎會知影我去予阿媽揲註被修理、懲罰，予人揲（tia̍p）。，哎⋯⋯真艱苦！」挩窗目箍紅。
「阿媽叫你去洗身軀，你當做馬耳東風，七晚八晚猶未去洗，莫怪阿媽會掠狂。」貓仔喙舌吶吶註吶（nā），伸出舌頭來碰觸或沾取，小孩與貓狗常做這可愛的動作。 咧。
「我就跍佇塗跤，看狗蟻註台語的螞蟻要寫成狗蟻（káu-hiā）。扛飯粒仔，看到毋知人去⋯⋯」挩窗目屎含目墘。
「好玄是好代誌，毋閣嘛愛節一下。」
 
「我就啥物攏有趣味啊！學校下課若去運動埕耍，有時看天頂的雲就看甲袂記得上課，我就是按呢，會興、會迷⋯⋯毋閣，彼咧阮阿媽嘛無偌好，人攏講伊做人鐵齒、固執。佇菜園挽菜雄雄落大雨，毋去揣所在覕，堅持菜全挽了了才欲歇，連雨幔註雨幔（hōo-mua），又稱雨衣、雨衫，早期農村穿的是棕蓑（tsang-sui）。 嘛無幔⋯⋯」
 
「這就是人的性地註性地（sìng-tē/tuē）多指脾氣，此處指「個性」。，有好嘛有䆀，用佇好所在，就出好天；亂亂使性地，烏雲就罩四邊。」貓仔攑跤去捋毛。
 
「按呢我來共性地改予十全註完美無缺陷，就說十全（tsa̍p-tsng5）。，就袂去予阿媽罵啊！哈！哈！哈！哈！」挩窗傷心轉歡喜。
「全天下無人的性地是十全十美的，而且，性地是無法度改的⋯⋯」貓仔論真講。
 
「啥物？人的性地無法度改？按呢我就一直會予阿媽踅踅唸，唸唸唸袂停，唸甲臭頭⋯⋯我的人生真悽慘啊！」挩窗搥心肝。
 
「萬事萬物攏有性地，袂輸揹踮肩胛頭註肩膀，肩胛頭（king-kah-thâu）。的月光，一世人剝袂離。月娘當滿，你就徙跤去光面，共好性地展出來；若是初一無月，人袂順、鬱卒，你就愛收起來，較揜貼註揜貼（iap-thiap），若在空間意思是隱蔽，若指人就是低調點。咧，親像我這馬行來厝瓦的烏暗面⋯⋯」
 
本底金溜溜的貓仔，煞溶入去烏暗，賰一對目睭，褫註張開眼睛，可說擘開（peh--khui），或是褫開（thí--khui）。甲圓圓圓。
 
「喔！我知！阿媽面鬚若䆀，就緊旋；面笑笑就講好話，伊就會煮一頓腥臊註菜色豐盛很腥臊（tshenn/tshinn-tshau）啦！的喔⋯⋯毋閣，講遐濟，你到底是誰？」
 
「挲貓就愛順伊的毛，知影人的性地，毋免講傷濟，愛做才會贏。」貓仔的目睭就瞌起來，無影無跡，干焦看著月光照落來，田洋圍起來的阿無村，煞掰做光全佮烏暗。
 
 踮棉襀註華語的「棉被」是兩個字，台語是一個字的被（phuē/ phē），或是三個字的棉襀被（mî-tsioh-phuē/ phē），不要搞混囉！ 被內底，彼咧聲說愈來愈細、愈來愈細：沓滴，沓滴，沓沓滴滴，沓、滴、沓、滴⋯⋯
 
 
（漢字與拼音依教育部台灣閩南語辭典）

 

作者簡介：鄭順聰
作家。著有《時刻表》、《家工廠》、《海邊有夠熱情》、《晃遊地》、《基隆的氣味》、《黑白片中要大笑》。現正於ＳＯＳ連載台語神怪冒險小說：挩窗去弄險。