[講古] 鄭順聰 : 十五隻密婆

[講古] 鄭順聰 : 十五隻密婆
首頁 / 時行 (刊物) / [講古] 鄭順聰 : 十五隻密婆
Mar.1.2017 6070

[講古] 鄭順聰 : 十五隻密婆

  鄭順聰 , 挩窗去弄險 , 講古 , 台語

聲音：鄭順聰 

文字：鄭順聰

 

（按play播放講古的聲音檔）

 

系列故事背景：

鄭明窗從小就沒有爸爸，媽媽托給阿媽照顧，住在嘉南平原的阿無村中。由於姓名有個窗，同村長輩都叫他挩窗的（thuah-thang-ê），台語的意思是鬥雞眼。但他雙眼視力相當好，可以看到大人世界看不到的東西，譬如：神明、鬼怪與人心的幽微面。「挩窗去弄險」是鄭順聰一系列的台語冒險故事，以挩窗為主角，走進現代社會的幽冥界，重新找回人該有的勇敢、智慧與善良。


 
【挩窗去弄險】十五隻密婆註蝙蝠的台語：密婆（bi̍t-pô）、日婆（ji̍t-pô）、夜婆（iā-pô）都有人稱呼，也就是日夜交接時出沒的祕密客啦！
 
下晡時、黃昏頭註從下晡（ē-poo）到黃昏（hông-hun），盈暗（îng-àm）就是今天的暝昏（mê-hng）。，挩窗這个囡仔兄迒過戶橂，佇紅瓦厝的簾簷跤坐涼註傳統的閩南三合院，都要迒過戶橂（hānn-kuè hōo-tīng），跨過門檻，來到簾簷跤（nî-tsînn-kha，屋簷下），坐在下頭吹涼風，就是坐涼（tsē-liâng），攑頭，看著密婆咧喢蠓。
 
伊傱去門口埕，斟酌共算，對天頂喝咻：十五隻！
 
雄雄忽然間，密婆合倚註合倚（ha̍p-uá），就是聚在一起，也可以說佮相倚（kap-sio-uá），密到幾乎沒有縫隙，就是密喌喌（ba̍t-tsiuh-tsiuh）。，收做一丸，密喌喌、無空縫，應講：「喌！無毋著，阮，就是十五隻密婆，阮上愛對喙應註（tuì-tshuì-ìn）。你說一句他立刻回一句，親像應聲鑼。喌！囡仔！你提物件共天頂切做兩爿，問阮問題，予阮選爿，同齊來𨑨迌，喌！」
 
挩窗的歡喜勃勃，隨去搬椅頭仔，徛踮頂頭，共阿媽晾衫的竹篙提落來，祀踮埕的正中央，袂輸司公辦事：「請問，月娘生做媠噹噹？抑是䆀糊糊？媠的佇我正手爿，䆀的去倒手爿。」
 
密婆傱過來傱過去，袂輸拍珠仔台。結果：正八隻，倒七隻。
 
「為啥物恁的見解會無仝？」挩窗的目頭結結。
   
「月娘真光全註光全（kng-tsng5）是明亮完美。，媠噴噴，喌！」正八隻密婆講。
   
「規个烏趖趖，䆀甲無一塊，喌！」倒七隻講。
   
挩窗的隨行入去公廳，掀曆日，無毋著！盈暗是舊曆初八，月娘若一塊西瓜略略仔膨起來，所以看著光面的密婆較濟。
   
伊閣轉來門口埕，再次共竹篙祀起來，問十五隻密婆：「請問，天星的數量敢算會清？認為算會清佇正手邊，算袂清的去倒手邊。」
   
這改，無閣亂亂傱，全飛去正手爿。
   
「為什麼恁攏徛仝爿？」挩窗的目睭褫甲圓圓圓。
   
「喌！因為阮看著是會爍的天星，是算會清的，所以徛正爿，喌！不而過，烏暗的彼頭，有濟甲算袂清的密婆，會當看著足遠足遠的天星，佇遮看未著，根本是無限的啦！」
   
密婆話拄「喌」煞，阿媽共網仔門捒註捒（sak）是推開開，按公廳行出來，看著挩窗佇咧弄竹篙，風火煞夯起來大聲共罵⋯⋯  
   
「阿媽，你莫受氣，我共你說，彼十五隻密婆⋯⋯喌⋯喌喌⋯喌⋯喌喌⋯⋯」挩窗的共代誌開拆註開拆（khui-thiah）是解釋說明的意思。甲清清楚楚。
   
「真的抑假的？十五隻⋯⋯好，老身先來試深淺，天頂的密婆，恁敢知影我今年幾歲？」
     
密婆隨分做五隻、八隻，賰的兩隻佇彼兩丸密婆四周圍拍箍仔註拍箍仔（phah khoo-á）就是繞圈圈。。
   
「袂䆀！袂䆀！知影恁祖媽五十八歲，有靈聖。」阿媽暗爽在心內，按挩窗的手頭共竹篙搶過來，嘛來問講：
   
「密婆在上！在下借問一下，這期樂兮會出幾號？恁著愛論真講喔！」阿媽共竹篙挺註挺（thánn）是把東西托高。 予懸懸懸，直直直徛佇門口埕，佇這个青荒註青荒（tshenn／tshinn-hng）就是荒涼。的阿無村，佇月光照落來的田洋正中央。
   
無疑悟，密婆圍佇咧竹篙頭，做一下共詼：「喌！活甲七老八老啦！七早八早著愛覺悟，天機不可漏洩，身體顧予好，勇健活百二，著是樂透啦！」
   
十五隻密婆隨沖懸，飛向暝昏這領密喌喌的烏色蠓罩，敆烏暗彼頭濟甲算袂清的密婆敆相倚，有限紲成做無限的宇宙啦！
 
（漢字與拼音依教育部台灣閩南語辭典）

 

作者簡介：鄭順聰
作家。著有《時刻表》、《家工廠》、《海邊有夠熱情》、《晃遊地》、《基隆的氣味》、《黑白片中要大笑》。現正於ＳＯＳ連載台語神怪冒險小說：挩窗去弄險。